गण्डकी सहित देशका केही स्थानमा हल्का वर्षाको सम्भावना

आगामी तीन दिन देशका अधिकांश स्थानमा आंशिकदेखि सामान्य रुपमा मौसम  बदली हुने भएको छ ।  बिहीबारसम्म प्रदेश नं १ ,२, वाग्मती र गण्डकी प्रदेशमा आंशिकदेखि सामान्य बदली रही केही स्थानमा हल्का वर्षासमेतको सम्भावना रहेको मौसम बिज्ञान विभागले जनाएकोछ ।

देशभर सोमबारसम्म मौसम सफा भई राम्रोसँग घाम लागेकाले अपराह्न अधिकतम तापक्रम वृद्धि भई गर्मी महसुस भएको थियो । तर आज देखि  स्थानीय वायुको प्रभावले अपराह्न अधिकतम तापक्रम कम भई चिसो अनुभव हुने जल तथा मौसम विज्ञान विभागले जनाएको छ । तत्कालै ठूलो पानी पर्ने सम्भावना भने नरहेको मौसमविज्ञान बिभागले जनाएको छ ।