अनौठो संसार

यौन उत्पीडन गरेर भिडियो बनाउने यो ग्यांग

एक युवती रोइरहेकी छिन् । चिच्याइरहेकी छिन् । उनी आफ्ना ‘प्रेमी’ र उनका साथीसँग यौन उत्पीडन नगर्न अनुनय बिन्ती गरिरहेकी छिन् ।

यो भिडियो भारतीय सोसल मिडियामा तीब्र रुपमा फैलिरहेको छ र भारतको दक्षिण भारतीय राज्यमा ठूलो खबर बनेको छ । घटना तमिलनाडुको कोयंबटूर जिल्लो हो ।

यो पूरा घटनामा चार अभियुक्तको नाम सार्वजनिक भएको छ – वसन्त कुमार, सबरीश, सतिश र तिरुनावकरसु । तिरुनावकरसुलाई तमिलनाडुको मिडियामा मुख्य अभियुक्त बताइएको छ । यी चारै अभियुक्तलाई पुलिसले पक्राउ गरिसकेको छ ।

यी चारमाथि सोसल मिडियामार्फत् युवतीसँग साथी बन्ने र उनीहरुलाई सुनसान स्थानमा लगेर यौन उत्पीडनको भिडियो बनाउने गरेको र भिडियो सार्वजनिक गर्ने धम्की दिएर ब्ल्याकमेल गर्ने गरेको आरोप लागेको छ ।

पीडितको भिडियो सोसल मिडियामा सार्वजनिक भएपछि उनका भाइले पुलिस स्टेशनमा उजुरी दिएका थिए ।

गत फेब्रुअरी २४ मा पुलिसले मुद्दा दर्ता गरेको र २८ फेब्रुअरीमा तीन अभियुक्त वसन्त, सबरीश र सतिशलाई पक्राउ गरेको थियो । यद्यपी, मुख्य अभियुक्त तिरुनावकरसु पुलिसको नजरबाट बचिरहे तर मार्च ५ मा उनलाई पनि पक्राउ गरियो ।

पीडितको भाइमाथि हमलाः

घटनाको उजुरी दिएपछि पीडितका भाइलाई केही मानिसहरुले धम्की दिँदै हमला गरे । हमला गर्नेमध्ये तीन युवक वसन्त कुमार, सेन्तिल र नागराजलाई पनि पुलिसले पक्राउ गरेको छ ।

हमलाकर्तामध्ये एक नागराज तमिलनाडुको सत्ताधारी पार्टी एआइएडीएमकेसँग सम्बन्ध राख्ने भएकाले पार्टीले यो मामला हेरिरहेको आरोप लगाएका छन् ।

विवाद उठ्न थालेपछि एआइएमडीएमके मुख्यालयको तर्फबाट सोमबार एक वक्तव्य जारी गर्दै नागराजको नाम पार्टीबाट हटाइएको जानकारी दिएको छ ।

पुलिस के भनिरहेको छ ?

डिएसपी पण्ड्याराजनले मिडियासँगको कुराकानीमा राज्यले यो मामलामा कुनै दखल नदिएको जानकारी दिए ।

पुलिसका अनुसार उनीहरुले अभियुक्तबाट चार मोबाइल फोन जफत गरेका छन् जसमा चार महिलाको भिडियो छ ।

भिडियोमा देखिएका दुई युवतीको पहिचान भइसकेको छ । अन्य दुई युवतीको पहिचान भएपछि उनीहरुको बयान लिने कोसिस गरिने उनले बताए ।

यदि अन्य कोही पीडित छन् भने पनि उनीहरुलाई पुलिससँग सम्पर्क गर्न अपिल गरिएको छ ।

म तिम्रो श्रीमानकी प्रेमिका हुँ तर ऊ धोकेबाज होइन’ भन्नेलाई श्रीमतीको जवाफ

सम्बन्ध निकै नाजुक हुन्छ । एकपटक सम्बन्ध टुट्यो भने त्यसलाई पहिलेकै अवस्थामा फर्काउन निकै गाह्रो हुन्छ । सम्बन्ध टुट्दा सबैभन्दा दुःख लाग्छ तर त्यो फिर्ता पाउँदा सबैभन्दा कम खुसी लाग्छ ।

पढ्नुहोस्, एक यस्तै विवाहित महिलाको कहानी जसका श्रीमानको कुनै अन्य महिलासँग प्रेम छ तर महिलालाई न त आफ्ना श्रीमानसँग रिस छ न नै उसकी प्रेमिकासँग । ‘द गार्जियन’ मा छापिएको महिलाले आफ्ना श्रीमानकी प्रेमिकालाई लेखेको चिट्ठी यस्तो छः

प्रेमीकी श्रीमतीले तिमीलाई चिट्ठी पठाएको भन्दा नौलो नलाग्ला । यो स्पष्ट छ कि तिम्रो संसारमा मेरो कुनै अस्तित्व छैन विशेषगरी अहिलेका लागि त पक्कै छैन । तिमीलाई थाहै होला कि कसैले उसको छोरोलाई जन्म दिएको छ । तिम्रो हिसाबले त सायद म मरिसकेकी छु ।

म मरेकी छैन । हामी सँगै बस्छौं, केही समयका लागि मात्रै भएपनि । हामी अहिले पनि एउटै बेडमा सुत्छौं (यद्यपी, तिम्रो बारेमा थाहा पाएपछि अवस्था फेरिएको छ )

म उसलाई नयाँ फोन चलाउन मद्दत गरिरहेकी थिएँ (उसलाई प्रविधीबारे खासै ज्ञान छैन) त्यतिबेला तिम्रो इमोजी र किससहितको मेसेज पप अप भयो । तिम्रो मोबाइल नम्बरमार्फत् तिम्रो सोसल मिडिया प्रोफाइल पाउन निकै सजिलो भयो । इलेक्टोरल रोलमार्फत् तिम्रो ठेगाना पाएँ । तिमी तिम्रो आमाबुवासँग बस्छौ, उसको अफिसबाट लगभग दुई माइल पर । मैले त्यसअघि कहिले पनि उसको फोनको खोजतलास गर्दिनथेँ । यसो गर्नुपर्ने कारण पनि देख्दिनथेँ । तिमीहरु दुईजनाबीचको कुराकानी लुकेर हेर्दा म अहिले पनि आफूलाई अपराधी महसुस गर्छु ।

मलाई तिमीसँग कुनै रिस छैन । तिमी निकै जवान र राम्री देखिन्छौ । म आफ्ना श्रीमानसँग पनि रिसाएकी छैन । ऊ निकै बिरामी छ ।

थुप्रै वर्षसम्म मैले उसलाई डिप्रेशनसँग लड्न मद्दत गरेँ । ऊ आफ्नो रोग स्विकार्न तयारै थिएन न उपचार नै गराउन चाहन्थे ।

मैले उसको कुरा सुनेर घण्टौं बिताएकी छु । उसको सफलताको बाटोमा जोसुकै आएपछि उसले त्यसलाई नष्ट गरिदिने बताउँथ्यो । मैले उसलाई व्यापारमा असफल भएका बेला, घर र जागिर परिवर्तन गर्ने बेला, हरेक पाइलामा समर्थन गरेँ । मैले उसलाई खुसी बनाउनका लागि आफ्नो जीवनको पनि पर्वाह गरिनँ । तर मैले उसलाई खुसी राख्न नसकेकी रैछु भनेर थाहा पाउन यत्तिका वर्ष लाग्यो । तिमी पनि यसो गर्न सक्षम हुने छैनौ ।

जबदेखि मलाई तिमीबारे थाहा भयो म उसलाई शंका गर्न थालेकी छु । अब म उसलाई प्रश्न सोध्न थालेकी छु र म उसले झुट बोलिरहेको हेर्छु । ऊ कति सजिलै झुटो बोल्न सक्छ, मलाई यो देखेर अचम्म लाग्छ । मलाई साथीहरुले पहिलेदेखि नै उसले झुटो बोल्ने गरेको बारे बताउँथे – आफ्नो उमेर, पूर्व श्रीमती, वयस्क छोरा र आफ्नो सैनिकको जागिर बारे पनि ।

तिमीलाई लाग्न सक्छ कि ऊ ‘हिरोइक सिंगल ड्याड’ हुन् जसले आफ्नो करियरका बीच सन्तानको उत्कृष्ट हेरबिचार गरिरहेको छ । तिमीलाई लाग्छ होला कि उसलाई कामको अत्यधिक बोझ छ । उसले तिम्रो खाना र होटलको बिल चुकाउनका लागि एउटा गोप्य क्रेडिट कार्ड राखेको छ जबकी मैले क्रिसमस मनाउन इबेमा सामान बेचेँ ।

के ऊ साँच्चैको बिरामी हो वा ऊ केवल एक कलाकार हो । हुन त म जुन व्यक्तिलाई प्रेम गर्दथेँ, उसको अस्तित्व नै सिद्धिसकेको छ । मलाई आशा छ तिम्रो आँखा मेरोभन्दा चाँडै खुल्नेछन् । आशा गर्छु उसको वास्तविकताले तिम्रो मन टुट्ने छैन । तिमीले आफ्नो सपनाको राजकुमार चाँडै नै पाउनेछौ भन्ने अपेक्षा गर्छु ।

‘म तिम्रो श्रीमानकी प्रेमिका हुँ तर ऊ धोकेबाज होइन’

भनिन्छ, प्रेम अन्धो हुन्छ तर सधैं होइन । धेरैजसो अवस्थामा व्यक्ति प्रेममा परेपछि पनि आफ्नो जिम्मेवारी र परिवारलाई छोड्न सक्दैनन् । एक महिलाले आफ्नो यस्तै कहानी ‘द गार्जियन’ सँग सेयर गरेकी छिन् । एक विवाहित व्यक्तिकी प्रेमिकाले उनकी श्रीमतीलाई लेखेको पत्र यस्तो छः

मलाई थाहा छ, तिम्रो अस्तित्व छ । तिमी उसको नाम, उसको बच्चा, उसको घर र उसको सार्वजनिक जीवनकी साझेदार हौ जबकी म केही चोरिएको पल बाँच्छु सायद जसको कुनै अस्तित्व नै छैन । म उसको सोच, उसको सपना र उसको भावना साझा गर्छु, त्यो सबै कुरासँग अवगत छु जुन ती व्यक्तिको मनमा छ तर म त्यो सबैकुरा गर्न सक्दिनँ जुन उसको सार्वजनिक जीवनसँग सम्बन्धित थियो ।

तिमीहरुको विवाह भएको २० वर्ष बढी भइसकेको छ । तिमीहरुले विभिन्न नीजि र पारिवारिक उद्देश्य हाँसिल गरिसकेका होलाऊ । सँगै घर व्यवहार चलाउनु, आफ्ना सबैभन्दा प्रिय बच्चाहरुलाई प्रेम गर्नुलगायतका अन्य विभिन्न कुराहरु…. तर केही कारणले वर्षौं अघि तिम्रो ती व्यक्तिका लागि प्रेम समाप्त भइसकेको छ ।

तिमी सायद आफ्नो लागि सोचिएको जीवन बाँचिरहेकी छौ होला तर प्रेम नै नभएको सम्बन्धमा के तिमी खुसी छौ ?

के तिमी उसलाई प्रेम गर्छौ ? के उसले प्रेम पाएको भए म भएठाउँ आउँथ्यो होला, के उसलाई मेरो आवश्यकता पर्दथ्यो ? म तिमीलाई दोष दिइरहेकी छैन तर तिमीले सायद उसलाई प्रेम गर्न छोडिदिएकी छौ । तर तिमी देखाउनकै लागि एक प्रेमविहिन विवाहलाई किन निभाइरहेकी छौ ?

मैले तिम्रो श्रीमानसँगको सम्बन्ध तोडिसकेकी छु किनभने म गोप्य सम्बन्ध अघि बढाउँदा आजित भइसकेकी छु । ऊ आफ्नो सन्तानलाई आहत पुर्याउन चाहँदैनथ्यो र यस्तो नगरी हामी कसरी सँगै अघि बढ्न सक्छौं भन्ने प्रश्नको जवाफ खोजिरहन्थ्यौं ।

जो व्यक्तिलाई म माया गर्दथेँ उसले आफ्नो जीवन टुक्रामा बाँच्नुपर्छ भन्ने कुरा सोचेरै म दुःखी हुन्थेँ । मैले कुनै निकासा देखिरहेको थिइनँ न नै उसले । उसले कुनै पनि स्थितीमा आफ्नो बच्चा गुमाउन चाहँदैनथ्यो । उसले मसँगको बिछोड सहन सक्थ्यो, बच्चासँग सक्दैनथ्यो ।

तिमी उसलाई त्यो प्रेम किन दिन सक्दिनौं जुन उसलाई आवश्यक छ ? ती उसलाई त्यो साथ र हेरबिचार किन दिन सकिरहेकी छैनौं जुन प्रेम गरेपछि पाइन्छ ।

म तिमीलाई ती व्यक्तिलाई छोड्न भनिरहेकी छैन । मात्र यो भन्न चाहन्छु कि तिमी उसलाई बुझ र प्रेम गर र उसलाई पनि आफैंलाई बुझ्ने र प्रेम गर्न देउ । तिमीहरुको विवाह नामको मात्र नरहोस् ।

मलाई केही पनि भन्ने अधिकार त छैन किनभने मलाई यो कहानीको एउटा पाटो मात्र थाहा छ । तर म जुन व्यक्तिलाई चिन्छु, उसले यदि प्रेम पाएको भए ऊ कहिले पनि म भए ठाउँ आउँदैनथ्यो । उसले अहिले पनि तिमीलाई नै रोज्छ किनभने उसले तिमीलाई आफ्नो जिम्मेवारी ठान्छ तर उसलाई प्रेमको कमी महसुस हुन्छ ।

तिमीहरुको विवाहमा प्रेम कहिले समाप्त भयो र किन ? तिम्रो श्रीमानबारे मलाई जति थाहा छ, उसले कहिले पनि धोका दिन सक्दैन । ऊ त्यस्तो प्रकृतिको व्यक्ति नै होइन । एक विवाहित पुरुषकी प्रेमिका भएको नाताले, जसले इमान्दारिता माग्ने कुनै अधिकार छैन, तरपछि ऊ इमान्दार थिए र मैले आशा गरेभन्दा एक कदम अघि बढेर मलाई सुरक्षित महसुस गराउँथ्यो । तिमीले उसको इमान्दारीता कसरी गुम्न दियौ ?